ژینگ ژو(شِنہوا)رواں سال کے پہلے سات مہینوں میں چین کے وسطی صوبے ہینان کی غیر ملکی تجارت 440 ارب 18 کروڑ یوآن (تقریباً 61 ارب 33 کروڑ ڈالر) تک پہنچ گئی۔

صوبائی دارالحکومت ژینگ ژو میں کسٹمز حکام کے مطابق صوبے کی برآمدات گزشتہ سال کی نسبت 3.2 فیصد بڑھ کر291 ارب 37 کروڑ یوآن ہو گئی جبکہ اس کی درآمدات 148 ارب 81 کروڑیوآن ریکارڈ کی گئیں۔

جنوری سے جولائی کے دوران امریکہ، جنوب مشرقی ایشیائی ممالک کی ایسوسی ایشن، یورپی یونین، اور جمہوریہ کوریا ،ہینان کے صف اول کے چار تجارتی شراکت دار رہے۔