ژینگ ژو(شِنہوا)چین کے وسطی صوبے ہینان میں آثار قدیمہ کے ایک مقام سے تقریبا 6ہزار سال پرانی دفاعی خندق دریافت ہوئی ہے۔ لویانگ شہر کے میونسپل انسٹی ٹیوٹ آف آرکیالوجی کے مطابق اس مقام پر کھدائی کے انچارج رین گوآنگ نے بتایا کہ یی یانگ کانٹی میں سویانگ کے مقام پر واقع نیم دائرہ کی شکل میں خندق کوہاتھوں سے کھودا گیا تھا اور اس کی شکل اور ساخت اس وقت کی طاقتور اور منظم سماجی انتظامات اور تکنیکی صلاحیت کی عکاسی کرتی ہے۔دریافت شدہ آثاراور خندق کی تہوں کی بنیاد پر ماہرین آثار قدیمہ کا خیال ہے کہ خندق 5ہزار سے 7ہزار سال قبل یانگ شاو ثقافت کے تین ادوار میں زیراستعمال رہی۔رین کے مطابق یانگ شاو ثقافت کے آخری دور تک، خندق کا استعمال غالبا دفاعی مقاصد کے لیے ترک کردیاگیا تھا،کیونکہ خندق کے دونوں کناروں پر متعدد مکانات، راکھ کے گڑھے اور پیداواری اور گھریلو آثار پائے گئے۔