تائی یوان(شِنہوا)چین کے  کوئلے سے مالا مال شمالی صوبے شنشی کی2023 کے پہلے دو مہینوں میں بیلٹ اینڈ روڈ (بی اینڈ آر) کے ساتھ واقع ممالک کے ساتھ تجارت میں گزشتہ سال کی نسبت18.3 فیصد اضافہ دیکھا گیا۔

صوبے کے دارالحکومت تائی یوان کے کسٹم بیورو کے مطابق شنشی اور بی اینڈ آر ممالک کے درمیان تجارت اس عرصے میں 7 ارب 74 کروڑ یوآن (تقریباً 1 ارب 13 کروڑڈالر)رہی۔

شنشی نے اس عرصے کے دوران  57 بی اینڈ آر ممالک کے ساتھ تجارت کی جن میں سے انڈونیشیا  1 ارب 93 کروڑ یوآن کی درآمدی اور برآمدی قدر کے ساتھ سرفہرست ہے جس سے گزشتہ سال کی نسبت 243.5 فیصد  اضافہ ظاہر ہوتا ہے۔

اہم برآمدات میں مکینیکل اور برقی مصنوعات شامل تھیں۔ کسٹم بیورو کے مطابق پہلے دو مہینوں میں صوبے نے بی اینڈ آرممالک کو3ارب 13 کروڑیوآن  مالیت کی مکینیکل اور برقی مصنوعات برآمد کیں جواس کی کل برآمدات کا تقریباً دو تہائی حصہ ہے  جبکہ اس سے گزشتہ سال کی نسبت 21.2 فیصد اضافہ ظاہر ہوتا ہے۔