لانژو(شِنہوا)چین کےشمال مغربی صوبہ گانسو کے لانژو ژونگ چھوان بین الاقوامی ہوائی اڈے سےمشین کے پرزوں اور16 ٹن وزنی تازہ پھولوں پرمشتمل سامان کی ایک کھیپ قازقستان کے شہرالماتے کے لیے روانہ کر دی گئی ہےجووسطی ایشیا کے لیےصوبہ کی پہلی مال بردار پروازہے۔

گانسوپورٹ لاجسٹکس کمپنی لمیٹڈ کے ایک عہدیدار چِھن منگ یوان نے کہا کہ گانسو اور وسطی ایشیائی ممالک کے درمیان تجارت انتہائی خوش آئند ہے۔

چِھن کے مطابق نئے کارگو روٹ کے آغاز سے گانسواوروسطی ایشیا کے درمیان پروازوں کا آپریشنل استحکام مزید بہترہو گا جبکہ الماتے کو اجناس کی تقسیم کے لیے ایک مرکز کے طور پر استعمال کیا جائے گا تاکہ غیر ملکی تجارت کے دائرہ کار کو مزید وسعت دی جا سکے۔

لانژو ژونگ چھوان انٹرنیشنل ایئرپورٹ پر کسٹم کے ساتھ کام کرنےوالے فینگ لیجی نے کہا کہ اس راستے کا افتتاح گانسو کو وسطی ایشیائی ممالک کے ساتھ تجارت کو مزید بڑھانے اور بیلٹ اینڈ روڈ کی ترقی میں حصہ لینے کا موقع فراہم کرےگا۔

حالیہ برسوں میں لانژونےدیگرمقامات کےعلاوہ بنکاک، لاہور، پنوم پن،کوپن ہیگن اور ماسکو کے لیے بین الاقوامی ہوائی مال بردارروٹس شروع کیے ہیں۔