لوانڈا (شِنہوا) انگولا کے ایک عہدیدار  نے کہا ہے کہ علاقائی سماجی اقتصادی ترقی کو فروغ دینے کے لیے انگولا کے وسطی علاقے میں چین کی  نجی سرمایہ کاری کا خیرمقدم کیا جاتا ہے۔

انگولا کے وسطی صوبہ ہوامبو کے گورنر لوٹی نولیکا نے انگولا میں تعینات چینی سفیر گونگ تاؤ کے ہمراہ  صوبہ ہوامبو میں چینی عطیہ کردہ تربیتی مرکز کے ایک دورے  کے موقع پر خطاب کرتے ہوئے کہی۔

لوٹی نولیکا نے چینی کاروباری افراد کے ساتھ زراعت اور صنعت میں شراکت داری بڑھانے کا عزم ظاہر کیا۔ انہوں نے مزید کہا کہ ہوامبو کے چین کے ساتھ عملی تعاون کے مختلف منصوبوں پر کام جاری  ہے۔

اس موقع پر گونگ تاؤ  کا کہنا تھا کہ چینی سرمایہ کاری انگولا کی ترقیاتی پالیسیوں اور اقتصادی تنوع کے ساتھ اچھی طرح سے مطابقت رکھتی  ہے۔ 

انہوں نے کہا کہ اس  صوبے کی ترقی کی صلاحیت چینی کاروباری افراد کو اس خطے کے مزید شعبوں میں مسلسل سرمایہ کاری کے لیے راغب کرسکتی  ہے۔