منیلا(شِنہوا) چینی طب کی 20ویں عالمی کانگریس "سب کے لیے صحت: عالمی صحت کی دیکھ بھال میں روایتی ادویات کا انضمام" کے عنوان سےمنگل کو فلپائن کے دارالحکومت منیلا میں شروع ہوگئی۔
فلپائنی ٹی سی ایم اینڈایکیوپنکچر ایسوسی ایشن انکارپوریشن کے چیئرمین ژینگ چھی منگ نے کہا کہ یہ تقریب تعلیمی شعبے میں تعاون اور تجربات کے تبادلے کو فروغ دے گی، جو نہ صرف روایتی چینی ادویات (ٹی سی ایم) میں سائنسی تحقیق کوفروغ دے گی بلکہ عالمی سطح پر ٹی سی ایم کی حیثیت کو بھی بہتر بنائے گی۔
فلپائن میں چین کے سفیر ہوانگ شی لیان نے اس امید کا اظہار کیا کہ چین اور فلپائن طب اور صحت کے شعبے میں تعاون اور تبادلوں کو مزید فروغ دینے کے لیے مل کر کام کریں گے، ٹی سی ایم اور فلپائن کی روایتی ادویات باہمی طور پر سیکھنے کو فروغ دیں گے اورچین اور فلپائن کے لوگوں کی صحت اور خوشحالی کو فروغ دینے اورسب کے لیے صحت کی عالمی برادری کی تشکیل میں اپنا کردار ادا کریں گے۔
