بیجنگ(شِنہوا) چین کی تجارتی کونسل بیرون ملک اقتصادی وتجارتی نمائش کے منصوبوں کی منظوری کے عمل میں پیش رفت کررہی ہے تاکہ کمپنیوں کو آرڈر لینے اور منڈیوں کو وسعت دینے میں مدد مل سکے۔

تجارتی کونسل  کے ترجمان سن شیاؤ نےمنگل کو ایک پریس کانفرنس میں بتایا کہ نومبر کے آغاز سے، بین الاقوامی تجارت کے فروغ کے لیے چائنہ کونسل نے نومبر سے فروری 2023 تک 15 بیرون ملک اقتصادی وتجارتی نمائش کے منصوبوں کی منظوری دی ہے۔

بیرون ملک نمائش کے  یہ منصوبے، جن میں 13 میں شرکت اور دو کی میزبانی کی جائے گی، جرمنی امریکہ  اور متحدہ عرب امارات سمیت آٹھ ممالک میں ہوں گے  جو ٹیکسٹائل، کھیلوں کے سامان، الیکٹرانکس اور اشیائے صرف  شعبوں سے متعلق ہیں۔ سن نے کہا کہ ان میں شامل منصوبوں کا سب سے بڑا نمائشی علاقہ 10ہزار مربع میٹر تک ہے۔  چین نے اس سال کے شروع میں غیر ملکی تجارت اور غیر ملکی سرمایہ کاری کو فروغ دینے کی کوششوں کے تحت بیرون ملک نمائشوں میں شرکت اور کاروباری مذاکرات کے لیے کمپنیوں کے لیے اپنی خدمات کو بہتر بنانے کا فیصلہ کیا تھا۔