بیجنگ (شِںہوا) چین کی تجارتی کونسل نے کہا ہے کہ ملکی درآمدات و برآمدات میں مثبت رجحان کی بدولت غیرملکی تجارتی اداروں کو اپنی بیرونی مارکیٹ وسیع کرنے کے لئے سہولت فراہم کی جا رہی ہے۔

چائنہ کونسل برائے بین الاقوامی تجارتی تشہیر کے ترجمان ژانگ شین نے ایک پریس کانفرنس میں بتایا کہ چین کی سالانہ شرح نمو میں ابتدائی 10 ماہ اور صرف اکتوبر میں اضافے نے کمی کے رجحان کو پلٹ دیا جو اس بات کا اظہار ہے کہ یہ شعبہ اب مثبت سمت میں ہے۔

ژانگ کے مطابق تجارتی کونسل مختلف نوعیت کی اقتصادی و تجارتی سرگرمیوں کے فروغ سے ترقی کی رفتار بڑھائے گی۔

ژانگ نے آمدہ پہلی چائنہ بین الاقوامی سپلائی چین نمائش کے خدوخال بھی بیان کئے جس میں 20 سے زائد مختلف سرگرمیاں پیش کی جائیں گی۔ اس میں پالیسی کی وضاحت ، تبادلے اور بات چیت اور ڈاکنگ مذاکرات، 50 سے زائد ممالک اور خطوں کے اداروں کے درمیان فاصلے کم کرنا شامل ہے۔

ژانگ نے بتایا کہ تجارتی کونسل کمپنیوں کو مختلف ذرائع سے غیر ملکی نمائشوں میں حصہ لینے یا ان کا انعقاد کرنے میں معاونت بھی فراہم کرے گی۔