بیجنگ (شِنہوا) چین کی یونیورسٹیز سے عنقریب فارغ التحصیل ہونے والے طالب علم زیادہ سرکاری اداروں میں مستحکم ملازمتوں کو ترجیح دے رہے ہی ۔

ریکروٹمنٹ پورٹل ژاؤپن کی ایک رپورٹ کا حوالہ دیتے ہوئے  چا ئنہ ڈیلی نے کہا کہ سروے میں شامل زیادہ تر طالب علم اعلیٰ نجی یا سرکاری ادارں میں مستحکم ملازمتوں کے حق میں ہیں کیونکہ وہ اکثر لچکدار ملازمتوں کو غیر یقینی صورتحال کا شکار سمجھتے ہیں۔

رپورٹ کے مطابق بڑی اور درمیانے درجے کی کمپنیز ملازمتوں کی مارکیٹ میں سرفہرست انتخاب ہیں جبکہ تقریباً 26 فیصد جواب دہندگان چھوٹی اور مائیکرو سائز کی کمپنیز میں کام کرنے کے خواہشمند ہیں۔

سروے کے مطابق انڈرگریجویٹس ملازمت کے متلاشی افراد کی تعداد زیا دہ ہے لیکن بھرتی کرنے والے پوسٹ گریجویٹ اور ڈاکٹریٹ کی ڈگری رکھنے والوں کی طرف زیادہ جھکاؤ رکھتے ہیں۔

 اپریل کے وسط تک سروے میں شامل تقریباً 47.5 فیصد انڈر گریجویٹس کو ملازمت کی پیش کش مل چکی تھی۔

 اخبار نے مزید کہا کہ ماسٹرز یا ڈاکٹریٹ کی ڈگری کے حامل تقریباً 54.4 فیصد ووکیشنل گریجویٹس اور 56.7 فیصد گریجویٹس کو ملازمت کی پیش کش ہو چکی تھی۔

اخبار نے واضح کیا کہ مطلوبہ مہارت کی کمی اور کمپنیز میں تکنیکی عہدوں پر تعینات ہونے کی آمادگی کی کمی کی وجہ سے انڈر گریجویٹس کو ملازمت کی پیش کش کم ملتی ہے۔