بیجنگ (شِںہوا) چینی زبان سیکھنے کے ایک پلیٹ فارم نے اکتوبر کے اختتام تک 187 ممالک اور خطوں کے ایک کروڑ سے زیادہ صارفین کو اپنی طرف متوجہ کیا ہے۔
گلوبل چائنیز لرننگ الائنس کے ایک عہدیدار پان زی لیانگ حال ہی میں چین کے مشرقی صوبے شان ڈونگ میں منعقدہ الائنس کی سالانہ کانفرنس میں بتایا کہ حالیہ برسوں میں پلیٹ فارم کے صارفین کی تعداد میں اضافہ ہوا اور متعلقہ مصنوعات کی ترتیب میں بہتری کے ساتھ چینی زبان سیکھنے کو دنیا بھر میں مقبولیت حاصل ہوئی۔
گلوبل چائنیز لرننگ پلیٹ فارم ایک آن لائن لرننگ پلیٹ فارم ہے جسے معروف چینی مصنوعی ذہانت کمپنی آئی فلائی ٹیک نے وزارت تعلیم اور ریاستی زبان کمیشن کی رہنمائی میں تیار کیا ہے جسے 25 اکتوبر 2019 کو لانچ کیا گیا تھا۔
مصنوعی ذہانت کے اطلاق، چینی زبان سیکھنے بارے ایک بڑا ڈیٹا بیس اور سیکھنے کے ایک شاندار تجربے پر مشتمل پلیٹ فارم نے اپنے صارفین کو حقیقی زندگی کے مختلف منظرنامے میں صارف کے اعتبار سے چینی زبان سیکھنے کے قابل بنایا ہے۔
اس نے ایک موبائل ایپ تیار کی ہے جو 6 زبانوں چینی، انگریزی، روسی، جاپانی، کوریائی اور تھائی میں خدمات فراہم کرتی ہے تاکہ صارفین کو بڑے پیمانے پر تدریسی خدمات فراہم کی جا سکیں جن میں گھروں میں موجود انتہائی چھوٹے بچے، مختلف سطح کے اسکول طالبعلم اور اور بالغ افراد شامل ہیں۔
کانفرنس میں عہدیدار نے بتایا کہ چین گلوبل چائنیز لرننگ پلیٹ فارم کو بین الاقوامی مواصلات میں اختراع کا پلیٹ فارم اور چینی روایتی ثقافت کے فروغ میں ایک رابطے کے طور پر مزید ترقی دے گا تاکہ اسے سائنس و ٹیکنالوجی انجن میں تبدیل کیا جاسکے۔
گلوبل چائنیز لرننگ الائنس اکتوبر 2019 میں چینی یونیورسٹیز، تحقیقی اداروں، کاروباری اداروں اور تنظیموں کے ایک گروپ نے قائم کیا تھا جو چینی سیکھنے والوں کی خدمت کے لئے وقف ہیں۔
اس وقت اس کے ارکان کی تعداد 50 ہے۔
