کن منگ (شِںہوا) چین کے جنوب مغربی صوبہ یون نان میں ہونگ ہی ہانی اور یی خوداختیار پریفیکچر میں واقع تتلیوں کی وادی میں لاکھوں تتلیاں ایک حیرت انگیز نظارہ پیش کررہی ہیں۔

جن پھنگ میاؤ، یاؤ اور دائی خود اختیار کاؤنٹی میں تتلی وادی عجائب گھر کے کیوریٹر یانگ ژین وین کے مطابق درجہ حرارت میں اضافے کے سبب " تتلیوں کی بھرمار" معمول سے تھوڑا قبل ہوئی ہے اور ان کی جسامت بھی گزشتہ برس کی نسبت بڑی ہے۔

یانگ نے بتایا کہ " توقع ہے کہ رواں سال وادی میں تقریباً 8 سے 10 کروڑ تتلیاں ہوں گی۔

تتلی وادی سے تتلیوں کی 320 سے زائد اقسام کے نمونے حاصل کئے گئے یا ان کی تصاویر بنائی گئی ہیں جن میں چین کی نایاب ترین، قدیم ترین، سب سے بڑی اور سب سے چھوٹی تتلیاں بھی شامل ہیں۔

تتلیوں کی یہ بھرمار 10 جون تک جاری رہنے کا امکان ہے۔