ارمچی (شِنہوا) چین کے شمال مغربی سنکیانگ ویغورخوداختیار خطے کی  مجموعی مقامی پیداوار (جی ڈی پی) 2023 کی پہلی ششماہی کے دوران 854.2 ارب یوآن (تقریباً 119.8 ارب امریکی ڈالر) سے زائد رہی جو گزشتہ برس کی نسبت 5.1 فیصد زائد ہے۔

علاقائی شماریات بیورو کے ڈپٹی ڈائریکٹر ہاؤ جن چھیانگ نے بتایا کہ اس عرصے میں خطے کی پہلے درجے کی صنعت کی ایڈیڈ ویلیو57.15 ارب یوآن تک پہنچ گئی جو گزشتہ برس کی نسبت  5.6 فیصد زائد ہے۔

 دوسرے درجے کی صنعت کی ایڈیڈ ویلیو 344.38 ارب یوآن سے تجاوز کرگئی جو گزشتہ برس کی نسبت 6.2 فیصد اضافہ ہے۔

خطے کی تیسرے درجے کی صنعت کی ایڈیڈ ویلیو 4.3 فیصد بڑھ کر 452.67 ارب یوآن سے زیادہ ہوگئی۔

زراعت، جنگلات، مویشیوں کی افزائش اور ماہی گیری کے شعبوں میں مجموعی پیداواری مالیت ابتدائی 6 ماہ کے دوران 123.8 ارب یوآن تک پہنچ گئی جو گزشتہ برس کی نسبت 5.7 فیصد زائد ہے۔