بیجنگ (شِنہوا) چین کے محققین کی ایک ٹیم نے تبت خوداختیار خطے میں صنوبر کا دیو قامت درخت دریافت کیا ہے جس کی بلندی 102.3 میٹر ہے۔ یہ ایشیا کا بلندترین درخت بھی ہے۔

ریکارڈ توڑنے والا یہ درخت نی ینگ چی شہر کی بومی کاؤنٹی میں واقع یار لونگ زان بو گرینڈ کین یان کی قومی قدرتی افزائش گاہ میں ایک سائنسی تحقیق کے دوران دریافت ہوا ۔ یہ تحقیق مئی میں جامعہ پیکنگ کی جانب سے کی گئی تھی ۔ اسے "صنوبر تورولوسا" کا نام دیا گیا ہے۔

ٹیم ارکان نے ڈرونز اور لیزر ریڈار کا استعمال کرتے ہوئے مقامی صنوبر کے علاقے کا نقشہ تیار کیا جس میں اس 102.3 میٹر بلند درخت کی موجودگی کی تصدیق ہوئی۔

اس علاقے میں ایسے درخت بھی بڑے تعداد میں پائے گئے جن کی بلندی 85 میٹر سے زائد ہے۔ ان میں 25 کی بلندی 90 میٹر سے زائد ہے۔ جامعہ  پیکنگ کی ٹیم کے ایک رکن رین یو نے بتایا کہ نتائج سے یہ بات سامنے آئی ہے کی اس خطے میں چین اور ایشیا کے دیوہیکل درختوں کی سب سے بڑی آبادی موجود ہے۔

بنیادی طور پر جنوب مشرقی تبت میں پھیلا "صنوبر تورولوسا" ایک تنگ اور چھوٹی آبادی کاعلاقہ ہے جس کا اندراج اول درجے کے تحفظ پودے کے طور پر کیا گیا۔

اس سے قبل چین میں بلندترین درخت کی اونچائی 83.4 میٹرز تھی جسے سائنسدانوں نے گزشتہ برس تبت میں دریافت کیا تھا۔