بیجنگ (شِںہوا) کمیونسٹ پارٹی آف چائنہ کی مرکزی کمیٹی نے بیجنگ میں واقع ژونگ نان ہائی میں دیگر سیاسی جماعتوں کی مرکزی کمیٹیوں، آل چائنہ فیڈریشن آف انڈسٹری اینڈ کامرس اور پارٹی وابستگی نہ رکھنے والی شخصیات کے ساتھ ایک مشاورتی اجلاس منعقد کیا جس میں انہیں پارٹی اور ریاستی اداروں کی اصلاحات کے منصوبے سے آگاہی فراہم کی گئی۔

انہیں بتا یا گیا کہ ریاستی اداروں کے سرکردہ عہدوں کے لئے مجوزہ امیدواروں کی فہرست 14 ویں قومی عوامی کانگریس کے پہلے اجلاس میں تجویز کی جائے گی۔چینی عوامی سیاسی مشاورتی کانفرنس کی قومی کمیٹی کی قیادت کے لئے مجوزہ امیدواروں کی ایک فہرست 14 ویں چینی عوامی سیاسی  مشاورتی کانفرنس کی قومی کمیٹی کے پہلے اجلاس میں تجویز ہوگی۔

مذکورہ بالا امور پر ان کی رائے سننے کے لئے بھی اجلاس کا انعقاد ہوا تھا۔

صدر ، کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے اجلاس کی صدارت کی اور اہم خطاب کیا۔

کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے تمام ارکان لی چھیانگ ، ژاؤ لی جی، وانگ ہوننگ، کائی چھی، ڈنگ شوئے شیانگ اور لی شی نے اجلاس میں شرکت کی۔

اپنے خطاب میں شی جن پھنگ نے کہا کہ کمیونسٹ پارٹی آف چائنہ کی 20 ویں قومی کانگریس میں پارٹی اور ریاستی اداروں میں اصلاحات کو گہرا کرنے کے لیے اہم انتظامات کئے گئے تھے۔

ان میں مالیاتی نظام میں اصلاحات کو گہرا کرنے کے لیے مخصوص تقاضے اپنانا اور اس نظام کو بہتر بنانا شامل ہے جس میں پارٹی کی مرکزی کمیٹی سائنس و ٹیکنالوجی کام پر متحد قیادت کے طور پر کام کرے ۔

اس کے ساتھ حکومتی ذمہ داری کے نظام اور تنظیمی ڈھانچے کو بہتر بنانا اور پارٹی کی مرکزی کمیٹی کے فیصلے کے لیے مربوط اداروں کو بہتر بنانا ہے۔

 اس میں ریاستی امور پر غور و خوض کرنا، پارٹی اور ریاستی اداروں کے لیے عملے کے وسائل کی تقسیم کو بہتر بنانا شامل ہے۔

کمیونٹی سطح پر حکمرانی کی رہنمائی کے لئے پارٹی کی تعمیر، مخلوط ملکیت اور غیر سرکاری کاروباری اداروں میں پارٹی کے اثرورسوخ بڑھانے اور ٹریڈ ایسوسی ایشنز، اکیڈمک سوسائٹیز اور ایوان تجارت میں پارٹی کے انتظامی نظام کو بہتر بنانے کی کوششوں بارے نشاندہی کی گئی۔

کمیونسٹ پارٹی آف چائنہ کی مرکزی کمیٹی نے گہرائی سے مطالعے اور تجزیے کے ساتھ ساتھ رائے کی وسیع درخواست کی بنیاد پر پارٹی اور ریاستی اداروں کی اصلاح کے لئے منصوبے کا مسودہ تیار کیا تاکہ کمیونسٹ پارٹی آف چائنہ کی 20 ویں قومی کانگریس میں ان ضروریات کا نفاذ کیا جاسکے۔

کمیونسٹ پارٹی آف چائنہ کی 20 ویں مرکزی کمیٹی کے دوسرے مکمل اجلاس میں جائزہ لینے اور منظور کرنے کے بعد  اصلاحاتی منصوبے کا ایک حصہ مناسب قانونی طریقہ کار کے تحت غوروخوض کے لئے 14 ویں قومی عوامی کانگریس کے پہلے اجلاس میں پیش کیا جائے گا۔