چھنگ دو(شِنہوا) ایف آئی ایس یو ورلڈ یونیورسٹی گیمز میں ٹریک اینڈ فیلڈ مقابلوں کا چھنگ دوکے شوآنگ لیو اسپورٹس سنٹر اسٹیڈیم میں منگل کو آغاز ہو گیا، اتوار تک ان مقابلوں میں مجموعی طور پر50 گولڈ میڈل دیے جائیں گے۔
چینی سپرنٹرچھین گوآن فینگ مردوں کے 100 میٹر کے سیمی فائنل میں 10.37 سیکنڈز کے ساتھ کوالیفکیشن راونڈ میں دوسرے نمبر پر رہے۔
چھنگ دو پہنچنے پر 23 سالہ چھین نے کہا تھا کہ انہوں نے رواں سال سوبنگتیان کی ٹیمم (ایشیا کے 100 میٹرسے زیادہ تیزترین شخص)کی ٹیم میں شمولیت کے بعد اپنی تکنیک میں کچھ ردوبدل کیاہے، اس لیے ان کی کارکردگی کے معمول سے ہٹ کر ہونے کی توقع نہیں،لیکن وہ 10.10 سیکنڈ میں یہ فاصلے طے کرسکتے ہیں۔چھین کے ساتھی کھلاڑی ڈینگ ژیجیان بھی اپنی ہیٹ میں پہلی پوزیشن حاصل کرنے کے بعد سیمی فائنل میں پہنچ گئے ہیں۔
پولینڈ کے میٹیوز سیوڈا نے 10.34 سیکنڈ میں فاصلہ طے کرتے ہوئے سیمی فائنل تک رسائی حاصل کی، جبکہ پری ٹورنامنٹ کے فیورٹ جمیکا کے کیڈرین گولڈسن 10.48 سیکنڈ کے ساتھ نویں نمبر پر رہے۔ آسٹریلیا کے ریس ہولڈر 46.10 سیکنڈ کے ساتھ مردوں کے 400 میٹرکے سیمی فائنل میں پہنچے، ملائیشیا کے عمر عثمان اور نائیجیریا کے سیوکان تھوویتھن دونوں نے کوالیفکیشن میں بہترین کارکردگی کا مظاہرہ کرتے ہوئے بالترتیب دوسرے اور چوتھے نمبر پر سیمی فائنل تک رسائی حاصل کی۔ امریکہ کی کورسیا پیری نے 15 دیگر ایتھلیٹس کے ساتھ خواتین کے 400 میٹر کے سیمی فائنل میں جگہ بنائی۔
