چھنگ ڈو (شِنہوا)چین میں 31 ویں انٹرنیشنل یونیورسٹی سپورٹس فیڈریشن (ایف آئی ایس یو) سمرورلڈ یونیورسٹی گیمز قریب آتے ہی لائسنس یافتہ تجارتی سامان کی ایک متنوع اقسام دکانوں میں دستیاب ہیں جس سے علاقہ صارفین کی توجہ کا مرکز بن گیا ہے۔

چین کے جنوب مغربی صوبہ سیچھوان کے دارالحکومت چھنگ ڈو میں 28 جولائی سے 8 اگست  تک منعقد ہونے والی ورلڈ یونیورسٹی گیمزکے تناظر میں  400 سے زیادہ پرچون سٹورز پر 1 ہزار سے زائد لائسنس یافتہ مصنوعات  متعارف اور فروخت کی جارہی ہیں۔ان میں چھنگ ڈو کے ضلع وین جیانگ میں ایک ثقافتی اور تخلیقی ورکشاپ کے ذریعے تخلیق کردہ کاغذ پر کوئلنگ کے منفرد فن پارے خاصے مقبول ہوئے ہیں۔

خوشنما کاغذی پٹیوں کی مدد سے احتیاط کے ساتھ رول کئے گئے اورچپکائے گئے یہ فن پارے دلکش ڈیزائنز پر مبنی ہیں جن میں خوبصورت پھولوں اور کیڑوں کی تصویریں، ہوا سے جھنکار پیداکرنے والی لڑیاں اورسمر یونیورسیڈ کا مشہور پانڈا میسکوٹ شامل ہیں۔

چین کے جنوب مغربی صوبہ سیچھوان کے شہر چھنگ ڈو کے ضلع وین جیانگ میں ایک ثقافتی اورتخلیقی ورکشاپ میں کاغذپرکوئلنگ کےفن پارے رکھے گئےہیں۔(شِنہوا)

تاہم بہت کم لوگ اس بات سے واقف ہیں کہ ان شاندار فن پاروں کے معمار تمام مقامی ہنرمند دستکارمعذورہیں۔

ورکشاپ میں دستکاروں کے سربراہ وانگ لِن جیانگ نے کہا کہ ہمیں ہر روز نئے آرڈرز موصول ہوتے ہیں اورکاغذ پرکوئلنگ کے ہمارے فن کی تصویریں حال ہی میں آن لائن اور مختلف آف لائن ریٹیل سٹورز میں بہت مشہور ہوئی ہیں۔ انہوں نے کہا کہ ورکشاپ کے دستکار چھنگ ڈو یونیورسیڈ کے نشان کی تصویروں کے آرڈر پر کام کرنے میں مصروف ہیں۔