بیجنگ(شِنہوا) دنیا میں 40 سال یا اس سے کم عمر اپنی جدوجہد سے بننے والے ارب پتی افراد کی تعداد 59 ہے، جن میں 18 چینی کاروباری شخصیات شامل ہیں۔

ہورون ریسرچ انسٹی ٹیوٹ کی مرتب کردہ فہرست کے مطابق، 16 جنوری تک چین امریکہ کے بعد دوسرے نمبر پر ہے، اس فہرست میں امریکی ارب پتیوں کی تعداد 23  ہے۔

ٹک ٹاک کی پیرنٹ کمپنی بائٹ ڈانس کے بانی ژانگ یی منگ، میٹا کے سی ای او مارک زکربرگ کے بعد 250 ارب یوآن (تقریباً 36 ارب 30کروڑ ڈالر) کی دولت کے ساتھ دوسرے نمبر پر ہیں۔

تحقیقی ادارے کے مطابق عالمی شہرت یافتہ گیم گین شن امپیکٹ کے ڈویلپر شنگھائی کی کمپنی می ہو یو کے تین شریک بانی اس سال فہرست میں آنے والے 14 نئے ارب پتیوں میں شامل ہیں۔

انسٹی ٹیوٹ کے مطابق، 40 سال سے کم عمر کے کامیاب ترین کاروباری افراد نے اوسطاً چھ سالوں میں اپنی دولت کا پہلا ایک ارب ڈالر کمایا۔