ننگبو (شِنہوا)  دنیا کا سب سے بڑا انجینئرنگ کا تعلیمی نظام  چین میں ہے۔ نائب وزیر تعلیم وویان نے مشرقی صوبے ژی جیانگ کے شہر ننگبو میں بین الاقوامی انجینئرنگ ایجوکیشن سمپوزیم 2023 میں اظہار خیال کرتے ہوئے کہا کہ گزشتہ دہائی کے دوران، چین کی انجینئرنگ کی تعلیم نے تیز رفتار ترقی کی ہے، جس نے جدت پر مبنی ترقی کو نئی رفتار دی ہے۔

انہوں نے کہا کہ چین کی انڈرگریجویٹ تعلیم میں انجینئرنگ پروگرامز کی تعداد 23ہزار سے تجاوز کر گئی ہے، جس میں67 لاکھ سے زیادہ انڈرگریجویٹ طلباء انجینئرنگ میں تعلیم حاصل کر رہے ہیں۔

انہوں نے انجینئرنگ میجرز کی مسلسل اصلاح اور انجینئرز کی بہترین تربیت پر زور دیا جو انجینئرنگ ٹیکنالوجیز میں مستقبل میں ہونے والی ترقی کو اختیار اوررہنمائی کرسکیں، تاکہ صنعتی اپ گریڈنگ کے لیے مضبوط مدد فراہم کی جاسکے۔