نانجنگ(شِنہوا)چین کے مشرقی صوبہ شان ڈونگ میں دنیا کی سب سے بڑی آل ٹیرین کرین نے ساحلی ہوا سے بجلی پیدا کرنے کے منصوبے پر اپنی پہلی لفٹنگ مکمل کر لی ہے۔

چین میں مشینری کی بڑی کمپنی شوژو کنسٹرکشن مشینری گروپ(ایکس سی ایم جی) کے مطابق ایکس سی اے 2600 نامی کرین نے شان ڈونگ میں 50 میگاواٹ ونڈ پاور پروجیکٹ سائٹ پر 171 ٹن وزن کو 160 میٹر کی بلندی پر پہنچایا۔

ایکس سی ایم جی کے مطابق 2ہزار 600 ٹن کے بنیادی بوجھ کی صلاحیت رکھنے والی کرین زیادہ سے زیادہ 173 ٹن وزن کو زیادہ سے زیادہ 160 میٹرز کی اونچائی تک اٹھا سکتی ہے۔ یہ صلاحیت انتہائی بڑے ونڈ ٹربائن کی تنصیب کے منصوبوں میں سامان پہنچانے کی کارکردگی کو بہت بہتر بنا سکتی ہے۔

شوژو کنسٹرکشن مشینری گروپ(ایکس سی ایم جی ) جس کا صدر دفتر چین کے مشرقی صوبہ جیانگسو کے شہر شوژو میں واقع ہے، ایک کثیر القومی بھاری مشینری تیار کرنے والی کمپنی ہے جس کی تیار کردہ مصنوعات دنیا بھر کے 191 سے زیادہ ممالک اور خطوں کو برآمد کی جاتی ہیں۔