ہانگژو(شِنہوا) چین کے مشرقی صوبے ژی جیانگ کے دارالحکومت ہانگژو میں ختم ہونے والی دوسری عالمی ڈیجیٹل تجارتی نمائش میں اس شعبے کے  سرکردہ کاروباری اداروں کے درمیان  155ارب 80کروڑ یوآن سے زائد  (تقریباً 21ارب 89کروڑ ڈالر) کی کل مالیت کے 32 منصوبوں کے معاہدوں پر دستخط ہوئے۔

صوبائی محکمہ تجارت کے مطابق "ڈیجیٹل تجارت، عالمی رسائی" کے موضوع پر 23 سے 27 نومبر تک ہونے والی ایکسپو میں 68 بین الاقوامی تنظیموں اور کاروباری انجمنوں کے ساتھ ساتھ 800 سے زائد کاروباری اداروں نے شرکت کی۔ فن لینڈ اور جنوبی افریقہ کو بطور مہمان خصوصی مدعو کیا گیا تھا۔

پانچ روزہ ایونٹ کے دوران کراس بارڈر ڈیٹا فلو، ڈیجیٹل فنانس اور ڈیجیٹل سیکورٹی گورننس جیسے موضوعات پر تبادلہ خیال کیا گیا۔ڈیجیٹل تجارت میں 100 سے زیادہ جدید پروڈکٹس اور سروسز کے ڈیبیو کے ساتھ ایکسپو میں سو سے زیادہ سرگرمیوں کا انعقاد کیا گیا۔

تیسری گلوبل ڈیجیٹل ٹریڈ ایکسپو آئندہ سال 25 سے 29 ستمبر تک ہانگژو میں منعقد ہوگی۔