بیجنگ (شِنہوا)  دوسری چائنہ انٹرنیشنل سپلائی چین ایکسپو (سی آئی ایس سی ای) کی تیاریاں معمول کے مطابق جاری ہیں۔

چائنہ کونسل برائے فروغ بین الاقوامی تجارت کے ترجمان ژانگ شِن نے بدھ کو بتایا کہ دوسری سی آئی ایس سی ای 26 سے 30 نومبر 2024 تک منعقد ہوگی جس میں شرکت کے لیے ایک سو سے زائد ملکی اور بین الاقوامی اداروں نے ارادہ ظاہر کیا ہے۔

پہلی سی آئی ایس سی ای رواں سال 2 دسمبر کو بیجنگ میں اختتام پذیر ہوئی تھی، جس کے نمائشی بوتھز کو سمارٹ گاڑیوں، ماحول دوست زراعت، صاف توانائی، ڈیجیٹل ٹیکنالوجی اور صحت مند طرز زندگی سمیت مختلف حصوں میں تقسیم کیا گیاتھا۔

ژانگ نے کہا کہ دوسری سی آئی ایس سی ای میں دیگر صنعتوں میں سپلائی چینزکے نمائشی بوتھس کو شامل کرنے کی کوشش کی جائے گی، جس سے کاروباری اداروں کے لیے مزید مواقع پیدا ہوں گے۔