بیجنگ (شِنہوا) چین نے فلپائن پر زور دیا کہ وہ دونوں ممالک کے درمیان سمندری تنازعات کو بڑھا چڑھا کر پیش کرنے سے باز رہے اور بحیرہ جنوبی چین میں امن و استحکام کے تحفظ کے لیے مل کر کام کرے۔ چینی وزارت خارجہ کے ترجمان وانگ وین بن نے روزانہ کی پریس بریفنگ میں فلپائن کے ایوان نمائندگان کی جانب سے بحیرہ جنوبی چین کے مسائل کے حوالے سے ایک قرارداد کی منظوری سے متعلق ایک سوال کے جواب میں کہا کہ اس قرارداد میں بے بنیاد تنقید، غلط بیانی اور چین پر الزام تراشی کی گئی جسے ہم سختی سے مسترد کرتے ہیں۔
وانگ نے کہا کہ سب سے پہلی بات یہ ہے کہ چین کو نان ہائی ژوداؤ پر ناقابل تردید خودمختار حقوق حاصل ہیں جو دونگشا چھونداؤ، شیشا چھونداؤ، ژونگشا چھونداؤ اور نانشا چھونداؤ، اور ملحقہ پانیوں پر مشتمل ہے اور یہ کہ چین کی بحیرہ جنوبی چین پرخود مختاری،حقوق اور مفادات طویل عرصے سے قائم ہیں جن کا تاریخ اور قانون میں مضبوط ثبوت موجود ہے۔
