بیجنگ (شِنہوا) چین کے اعلیٰ قانون ساز ژاؤ لی جی نے گروپ آف فرینڈز آف نیوٹرلٹی کے رکن ممالک پر زور دیا کہ وہ مشترکہ طور پر عالمی حکمرانی نظام کی ترقی کو زیادہ منصفانہ اور مساوی سمت میں فروغ دیں۔

قومی عوامی کانگریس کی قائمہ کمیٹی کے چیئرمین ژاؤ نے یہ بات ترکمانستان کی قومی اسمبلی (مجلس) کی چیئرپرسن دنیا گوزل گلمانووا کی دعوت پر گروپ آف فرینڈز آف نیوٹرلٹی ارکان کے پارلیمانی رہنماؤں کے ورچوئل اجلاس سے بذریعہ ویڈیولنک خطاب میں کہی۔

ژاؤ نے کہا کہ 3 برس سے زائد عرصہ قبل اپنے قیام کے بعد سے گروپ آف فرینڈز آف نیوٹرلٹی نے عالمی امن، سلامتی اور پائیدار ترقی میں پیشرفت کے لئے خود کو پرعزم کیا جو کثیرالجہتی پر عمل کرکے باہمی تعاون کے فروغ کا ایک مفید پلیٹ فارم بن گیا ہے۔

ژاؤ نے اقوام متحدہ کی جانب سے قائم کردہ مستقل طور پر غیرجانبدارریاست کی حیثیت سے عالمی اور علاقائی امور میں ترکمانستان کے اہم اور تعمیری کردار کو سراہا۔ انہوں نے کہا کہ چین گروپ ارکان کے ساتھ ملکر کام کرنے کا خواہاں ہے تاکہ چین کے تجویز کردہ 3 عالمی اقدامات کے موثر نفاذ کو فروغ دینے سمیت انسانیت کے مشترکہ مستقبل کے ساتھ ایک برداری قائم کی جاسکے۔

ژاؤ نے تمام فریقوں سے کہا کہ وہ اقوام متحدہ کے ساتھ عالمی نظام کو اس کی بنیاد اور عالمی قانون کے تحت مضبوطی سے برقرار رکھتے ہوئے حقیقی کثیرالجہتی پر عمل کریں، اور بین الاقوامی امور میں ترقی پذیر ممالک کی نمائندگی میں اضافہ کریں۔