جنیوا (شِنہوا) ریڈ کراس کی بین الاقوامی کمیٹی (آئی سی آر سی) کی صدر میرجانا اسپولجارک ایگر نے غزہ میں بڑھتے انسانی بحران میں عالمی انسانی قوانین کی پاسداری میں چین کے تعاون کو سراہا ہے۔
اسپولجارک نے گزشتہ ہفتے غزہ کے جنوبی علاقے کا دورہ کیا تھا ۔ انہوں نے شِںہوا کے ساتھ ایک حالیہ خصوصی انٹرویو میں غزہ کی سنگین صورتحال پر تفصیل سے روشنی ڈالی اور تنازع کے تمام فریقوں پر زور دیا کہ وہ کشیدگی کم کریں اور بین الاقوامی انسانی قوانین کا احترام کریں تاکہ شہریوں کی مشکلات میں کمی کرکے انہیں بچایا جاسکے۔
اسپولجارک نے کہا کہ غزہ میں انسانی صورتحال خراب ہوتی جا رہی ہے۔ انہوں نے غزہ میں جو کچھ دیکھا وہ ایک تباہ کن انسانی صورتحال ہے شہری آبادی کے لئے تحفظ کی تلاش مشکل ہی نہیں ناممکن ہوتی جارہی ہے۔
انہوں نے کہا کہ ادویات ناکافی ہیں ، آپریشن کرنے کے لئے کافی سرجن دسیتاب نہیں کافی آپریشن تھیٹر موجود نہیں ہیں، گزشتہ چند دنوں میں صورتحال بہت خراب ہوچکی ہے اور موجودہ صورتحال برقرار رہنے سے یہ مسلسل خراب ہوتی جارہی ہے۔
اسپولجارک نے غزہ میں امدادی کارکنوں کو درپیش سنگین چیلنجز بارے بتاتے ہوئے عدم تحفظ ، بجلی اور پانی جیسے ضروری وسائل تک ناکافی رسائی کو امدادی کارروائیوں میں سب سے بڑی رکاوٹ قرار دیا۔
انہوں نے کہا کہ غزہ میں صورتحال ماحول انتہائی پیچیدہ اور مشکل ہے۔ سیکیورٹی وجوہات کی بنا پر جن لوگوں کو واقعی مدد کی ضرورت ہے ان تک پہنچنے کے امکانات کم سے کم ہوتے جا رہے ہیں۔ اس کی ایک وجہ یہ ہے کہ امداد کے لئے درکار سامان منتقل کرنا اب بھی مشکل ہے۔
