بیجنگ(شِنہوا) چینی مین لینڈ کی ترجمان کہاہے کہ  یہ ایک بار پھر ثابت ہو گیا ہے کہ ڈیموکریٹک پروگریسو پارٹی (ڈی پی پی) کے حکام ہمیشہ تاریخ کے غلط رخ پر کھڑے رہے ہیں اورانہوں نے  تائیوان کے عوام کے مفادات اور فلاح و بہبود کے خلاف اقدامات اٹھائے۔

 ریاستی کونسل کے تائیوان امور دفتر کی ترجمان ژو فینگ لیان نے ان خیالات کااظہارایک پریس کانفرنس میں آبنائے پار انٹیگریٹڈ ڈویلپمنٹ پر ایک حالیہ دستاویز پر ڈی پی پی کی تنقید پراپنےردعمل میں کیا۔

ترجمان نے کہا کہ  ڈی پی پی حکام کا ردعمل اس بار بھی وہی تھا جو 2010 میں دستخط کیے گئے اقتصادی تعاون کے فریم ورک معاہدے پر تھا۔

جزیرے پر پائے جانے والے عوامی جذبات کا حوالہ دیتے ہوئے، ترجمان نے کہا کہ اس دستاویز کو بڑے پیمانے پر تائیوان کے لوگوں کے لیے ایک اعزاز کے طور پر دیکھا جاتا ہے، دستاویز میں مین لینڈ کی خیر سگالی اور خلوص کا مظاہرہ کیاگیا  اور اس کے آبنائے پار تعلقات کی پرامن ترقی پر دور رس اثرات مرتب ہوئے ہیں۔

تاہم، ڈی پی پی حکام نے ایک "دفاعی رپورٹ" اسی دن جاری کی جب مین لینڈ کی جانب سے مربوط ترقیاتی دستاویز جاری کی گئی تھی۔