بیجنگ(شِنہوا) میانمار کے شمالی علاقے سے شروع ہونے والے  ٹیلی کام فراڈ کے خلاف جاری کریک ڈاؤن میں اب تک مجموعی طورپر 31ہزارمشتبہ افراد کومیانمار سے چین کی تحویل میں دیا گیا ہے۔  ٹیلی کام فراڈ  سے چینی شہریوں کو نشانہ بنایا گیا ہے۔

وزارت پبلک سیکورٹی نے منگل کوبتایا کہ مشتبہ افراد میں 63 مبینہ ماسٹر مائنڈ، منتظمین یا اہم ارکان کے ساتھ ساتھ 1ہزار531مفرور بھی شامل ہیں۔

اس سال ستمبر کے بعد سے،وزارت پبلک سیکورٹی اوریوننان کے صوبائی پبلک سیکورٹی ڈیپارٹمنٹ کے حکم پرعمل کرتے ہوئے شی شوانگبانا،پوایر اور لن کانگ جیسے علاقوں میں پبلک سیکورٹی حکام نے میانمار کےقانون نافذ کرنے والے اداروں کے ساتھ سرحدی کارروائیوں کے لیے تعاون کیا ہے۔

کارروائیوں کے نتیجے میں ٹیلی کام فراڈ میں ملوث مشتبہ افراد کی بڑی تعداد کو کامیابی سے چینی حکام کے حوالے کیا گیا ہے۔