اقوام متحدہ (شِنہوا) اقوام متحدہ نے یمن پر امریکی قیادت میں حملوں کے بعد علاقائی کشیدگی میں مزید اضافے کے بارے میں خبردار کیاہے۔

اقوام متحدہ کے اسسٹنٹ سیکرٹری برائےمشرق وسطیٰ، ایشیا و بحرالکاہل خالد خیری نے گزشتہ روز سلامتی کونسل میں  کہا کہ  بحیرہ احمر میں حوثیوں کی جانب سے جہازوں کو مسلسل نشانہ بنانے کے بعد امریکہ اور برطانیہ کی افواج نے چار ممالک کی حمایت سے یمن بھرمیں اہداف پر 50 سے زیادہ فضائی اور میزائل حملے کیے۔ انہوں نے خبردار کیا کہ ہم تشدد کے ایک ایسے سائیکل کا مشاہدہ کر رہے ہیں جس سے یمن اور خطے میں سنگین سیاسی، سلامتی، اقتصادی اور انسانی اثرات مرتب ہوں گے۔ یمن میں انسانی بنیادوں پر آنے والی حالیہ بہتری کمزور حالت میں ہے اور مزید واقعات کی صورت میں یہ آسانی سے پہلے والی حالت میں آجائے گی، جبکہ یمن میں جنگ کے خاتمے کے لیے سیاسی تصفیہ تک پہنچنے کی پیش رفت کو بھی نقصان پہنچ سکتا ہے، جس سے یمن کے عوام کو مسلسل تنازعات کا سامنا کرنا پڑے گا۔