بیجنگ (شِنہوا) یورپی یونین کمیشن کی جانب سے چینی الیکٹرک مسافر گاڑیوں بارے اینٹی سبسڈی تحقیقات شروع کرنے کے فیصلے کی چائنہ ایسوسی ایشن آف آٹوموبائل مینوفیکچررز نے مذمت اور سختی سے مخالفت کرتے ہوئے کہا ہے کہ اس اقدام سے عالمی صنعتی اور سپلائی چین بری طرح متاثر ہوگی۔
ایسویسی ایشن نے کہا ہے کہ یورپی یونین کی متعدد آٹوموبائل کمپنیوں کے لئے چین سب سے بڑی غیر ملکی مارکیٹ ہے جنہوں نے چین کی الیکٹرک گاڑیوں کی صنعت میں ترقی کا مشاہدہ کیا ہے۔
ایسوسی ایشن نے کہا کہ یہ ایک واضح حقیقت ہے کہ چینی الیکٹرک گاڑیوں کی مارکیٹ میں شدید مسابقت موجود ہے اور وہ تعاون یا تحفظ میں سبسڈی پر انحصار نہیں کرتی ۔
ایسوسی ایشن کے مطابق یورپی یونین کی شروع کردہ یہ تحقیقات تحفظ پسندی کا ایک واضح عمل جس میں اس حقیقت کو مکمل طور پر نظر انداز کردیا گیا ہے کہ یہ یورپی یونین اور باقی دنیا میں الیکٹرک گاڑیوں کی صنعت میں ترقی کی رفتار سست کرکے کاربن ختم کرنے عالمی ہدف کے حصول میں رکاوٹ بنے گی۔
مز ید کہا گیا ہے کہ چین اور یورپی یونین کی گاڑیوں کی صنعتیں حریف کی بجائے شراکت دار ہیں اور انہیں ترقی میں تحفظ پسندی کے بجائے منصفانہ مسابقت درکار ہے۔
ایسوسی ایشن کے مطابق چینی گاڑیوں کی صنعت مختلف طریقوں سے تعاون مستحکم کرنے اور اسے وسعت دینے میں اپنے یورپی ہم منصب کے ساتھ بات چیت کرنے کو تیار ہے۔
