جکارتہ (شِنہوا)چینی وزیر اعظم لی چھیانگ نے جاپان کے فوکوشیما جوہری پلانٹ سے جوہری آلودہ پانی کے اخراج کے معاملے پر اپنے ملک کے موقف کو واضح کرتے ہوئے جاپان سے مطالبہ کیا کہ وہ اس معاملے کو ذمہ داری سے حل کرے۔

بدھ کو یہاں 26ویں آسیان پلس تھری سربراہی اجلاس سے خطاب کرتے ہوئے لی نے کہا کہ جوہری آلودہ پانی کی تلفی کا دنیا بھر کے سمندری حیاتیاتی ماحول اورلوگوں کی صحت سے تعلق ہے۔

انہوں نے جاپان پر زور دیا کہ وہ اپنی بین الاقوامی ذمہ داریوں کوخلوص کے ساتھ پورا کرے، اپنے پڑوسیوں اور متعلقہ اسٹیک ہولڈرز سے مکمل مشاورت کرے اور جوہری آلودہ پانی کو ذمہ دارانہ طریقے سے ٹھکانے لگائے۔