ٹوکیو (شِنہوا) جاپان کے دارالحکومت ٹوکیو کے یویوگی پارک میں چائنہ میلہ 2023 شروع ہوگیا ہے ۔ یہ میلہ چین۔ جاپان امن و دوستی معاہدے پر دستخط کی 45 ویں سالگرہ اور چین ۔ جاپان عوامی تبادلوں کے فروغ کے لئے منعقدہ کیا جارہا ہے۔

یہ دو روزہ تقریب جاپان میں چینی سفارت خانے اور ایگزیکٹو کمیٹی برائے چائنہ میلہ 2023 کے اشتراک سے منعقد کی گئی ہے۔ میلے کے مقام پر 80 سے زائد بوتھ ہیں جن میں چائنہ ثقافتی مرکز، ٹوکیو میں چائنہ قومی سیاحتی دفتر اور جاپان میں چائنہ انٹرپرائزز ایسوسی ایشن شامل ہیں۔

میلے کا مقصد ثقافتی نمائش کے ساتھ ذائقہ دار پکوانوں اور سیاحت کے ذریعے دونوں ممالک کے عوام میں دوستانہ تبادلوں کا ایک پلیٹ فارم مہیا کرنا ہے۔

جاپان کے سابق وزیراعظم یاسو فوکودا، جاپان میں چینی سفیر وو جیانگ ہاؤ، جاپان کی حکمران اتحادی جماعت کومیتو کے رہنما یاماگوچی ناتسو اور دیگر مہمانوں نے تقریب کی افتتاحی تقریب میں شرکت کرتے ہوئے تقاریر کیں۔

چائنہ میلہ 2023 کی ایگزیکٹو کمیٹی کے اعلیٰ مشیر فوکودا نے بتایا کہ چائنہ میلے کا پھیلاؤ بڑھنے کے ساتھ لوگوں میں اس کی مقبولیت میں اضا فہ ہو رہا ہے۔

انہوں نے امید ظاہر کی  کہ اس میلے سے ہرکسی کو چینی ثقافت کا مکمل تجربہ کرنے کا موقع ملے گا اور وہ جاپان اور چین کے درمیان دوستی کو فروغ دے سکے گا۔

جاپان میں چینی سفیر وو نے بتایا کہ چائنہ میلہ ، جاپان میں چینی سفارت خانے، جاپان۔ چین دوستی گروپوں اور سمندرپار چینی باشندوں کی مشترکہ طور پر تیار کردہ ایک اہم تقریب ہے ۔اسے گزشتہ برسوں کے دوران دونوں ممالک میں زندگی کے تمام شعبوں سے وسیع توجہ اور مضبوط تعاون حاصل رہا اور اس نے چین ۔ جاپان عوامی تبادلوں کے فروغ میں مثبت کردار ادا کیا ہے۔

وو نے رواں چین ۔ جاپان امن و دوستی معاہدے پر دستخط کی 45 ویں سالگرہ کا تذکرہ بھی کیا ۔

انہوں نے کہا کہ 45 برس قبل معاہدے نے یہ اصول طے کردیا تھا کہ چین اور جاپان کو پائیدار پرامن اور دوستانہ تعلقات کو فروغ دینا ، دوطرفہ تبادلوں میں لازوال اور پائیدار اصول اور سمت کا تعین کرنا چاہئے۔