گوانگ ژو (شِںہوا) انڈراسٹینڈنگ چائنہ کانفرنس (گوانگ ژو) 2023 کے شرکاء نے کہا ہے کہ گلوبل ڈیویلپمنٹ انیشی ایٹو (جی ڈی آئی) ترقی پذیر ممالک کے درمیان تعاون اور تبادلوں کو مزید فروغ دے گا۔

یہ تقریب چین کے جنوبی صوبے گوانگ ڈونگ کے شہر گوانگ ژو میں اختتام پذیر ہوئی جس میں جی ڈی آئی اور ترقی پذیر ممالک کے درمیان تعاون پر ایک موضوعاتی فورم کی میزبانی کی گئی۔

ایتھوسپیا کے سابق صدر مولاتو ٹیشوم نے کہا ہے کہ جی ڈی آئی عالمی شراکت داری میں تجدید عہد کی نمائندگی کرتا ہے جبکہ پائیدار ترقی کے مختلف اہداف حاصل کرنے کے لئے جی ڈی آئی پر عملدرآمد ناگزیر ہے۔

انہوں نے اس بات کا ذکر کیا کہ جی ڈی آئی کا ڈیزائن انتہائی عملی ہے اور یہ بامعنیٰ نتائج پیدا کرنے پر زور دیتا ہے جو ترقی پذیر ممالک کے لئے مفید ہیں اور جنوبی خطے کے ممالک کے درمیان تعاون میں مشترکہ ترقیاتی مقاصد کو اس طرح کی تکمیل اور باہمی فائدہ مند کوششوں سے حاصل کیا جاسکتا ہے۔

مصر کے سابق وزیراعظم عصام شرف نے کہا کہ ترقی پذیر ممالک میں ترقی کے لئے عالمی برادری کی تعمیر اور قیام انتہائی ضروری ہے جہاں دنیا کی بڑی آبادی موجود ہے۔ ان ترقی پذیر ممالک میں انسانی حقوق کا اہم ترین مسئلہ ترقی ہے۔

شرف نے کہا کہ اگرچہ دیگر چیلنجز موجود ہیں تاہم بنیادی مقصد ترقی کا حصول ہے۔  جی ڈی آئی انتہائی اہمیت کا حامل ہے جو عالمی مساوات ، توازن اور استحکام کے فروغ  میں اہم اور مثبت اثرات کاحامل ہے۔

انہوں نے کہا کہ چین کی جدیدیت سے ظاہر ہوتا ہے کہ کس طرح ایک ترقی پذیر ملک جدیدیت کا اپنا راستہ خود طے کرسکتا ہے اور چین کی کامیابی نے اسے جدیدیت کی کوششوں میں دوسرے ترقی پذیر ممالک کی مدد کرنے کے قابل بنایا ہے۔