کینیا، نیروبی میں جو مو کینیاتا بین الاقوامی ہوائی اڈے پر چینی سیا ح ما سائی  فنکاروں کے ساتھ  گفتگو کر رہے ہیں۔(شِنہوا)

نیروبی (شِنہوا) کینیا نےعالمی  وبا سے متعلق تین سال کے وقفے کے بعد چینی سیاحوں کے پہلے گروپ کا استقبال کیا ہے ۔اس سلسلے میں  کینیا کے دارالحکومت نیروبی میں ایک شاندار  تقریب کا اہتمام کیا گیا تھا۔

کینیا کے مہمان نوازی کے شعبے سے تعلق رکھنے والے اعلیٰ حکام اورایگزیکٹوزاس موقع پران 40 چینی سیاحوں کے پہلے گروپ کے استقبال کے لیے موجود تھے جنہوں نے چائنہ سدرن ایئرلائنزکی پروازکے ذریعے چین کے جنوبی شہر گوانگ ژوسے نیروبی کا سفرکیا۔ 

سیاحت کے ریاستی محکمہ کے پرنسپل سیکرٹری جان اولولتوا نے چین کی حکومت کو سراہا۔اس کی وجہ بیجنگ کی جانب سے نوول کرونا وائرس کے ردعمل کو بہتر بنانے کے بعد بیرون ملک جانے والے پہلے گروپ ٹورز کے لیے مصر اورجنوبی افریقہ سمیت  تین افریقی ملکوں میں سے کینیا  کا انتخاب  کیا جانا ہے ۔

اولولتوا نے کہا کہ آج کا دن ہمارے لیے خوشی کاموقع ہے۔ اس کا مطلب ہے کہ اب ہم بین الاقوامی سیاحوں کی آمد کے لیے بڑھتی ہوئی منڈیوں میں سے ایک کے ساتھ اپنے مکمل رابطے کا دوبارہ آغاز کررہے ہیں۔

اولولتوا کے مطابق کینیا سیاحوں کی آمد کو بڑھانے کے لیے چینی مارکیٹ  سے مستفید ہو گااور اس شعبے کی بحالی میں تیزی لائے گا جس کا حصہ  ہماری  مجموعی ملکی  پیداوار میں تقریباً 7 فیصد کے برابر ہے۔

اولولتوا نے کہا کہ چین اس وقت بین الاقوامی سطح پر کینیا کی چھٹی  سب سے بڑی سیاحتی منڈی ہے جس کا حصہ  عالمی وبائی مرض سے پہلے کے دور میں ملک میں آنے والے مجموعی  بین الاقوامی سیاحوں کا 5.5 فیصد ہے۔