نیروبی( شِنہوا) کینیا کی حکومت نے ایک رپورٹ میں کہا ہے کہ 2021 میں چینی ٹیکنالوجی کمپنی ہواوے اور اقوام متحدہ کی تعلیمی، سائنسی اور ثقافتی تنظیم (یونیسکو) کی جانب سے مشترکہ طور پر اسکولوں کو انٹرنیٹ سے جوڑنے والے ڈیجی اسکول کنیکٹیویٹی پروجیکٹ نے کینیا میں تعلیم کو فروغ دیا ہے۔
کینیا کی وزارت تعلیم کی رپورٹ میں کہا گیا ہے کہ اس منصوبے سے ملک میں تعلیم تک رسائی بڑھانے میں زبردست مثبت فوائد حاصل ہوئے ہیں۔
رپورٹ میں کہا گیا ہے کہ رابطہ منصوبہ نے دیہی علاقوں میں سیکھنے والوں، خاص طور پر لڑکیوں اور معذور افراد کے لئے تعلیم تک رسائی اور مساوات میں اضافہ کیا ہے۔
رپورٹ میں مزید کہا گیا ہے کہ اس سے 13 اسکول انٹرنیٹ سے منسلک ہوئے ہیں۔
رپورٹ کے مطابق 98 فیصد طالب علموں نے کہا ہے کہ انٹرنیٹ ان کی ضروریات کو پورا کرتا ہے جبکہ 84 فیصد طالب علموں کا کہنا تھا کہ انٹرنیٹ نے سیکھنے کو مزید پر جوش بنا دیا ہے۔
نتائج کے مطابق 23 فیصد طالب علموں نے بتایا کہ انٹرنیٹ نے سیکھنے کو زیادہ دلچسپ بنا دیا ہے جبکہ 13 فیصد نے مشاہدہ کیا کہ اس منصوبے سے کلاس میں حاضری میں اضافہ ہوا ہے۔
اسٹیٹ ڈیپارٹمنٹ برائے بنیادی تعلیم کے پرنسپل سیکرٹری بیلیو کپسانگ نے ہواوے اور یونیسکو کو ملک میں پائیدار انٹرنیٹ کنیکٹیویٹی فراہم کرنے کے لیے حکومت کے ساتھ تعاون پر سراہا۔
ہواوے کینیا کے ڈپٹی سی ای او اسٹیون ژانگ نے کہا کہ ڈیجی اسکول منصوبے کو کینیا کے اسکولوں میں طلبا کے لئے سیکھنے کے تجربے کو بہتر بنانے اور ان اداروں کی مجموعی انتظامیہ کو بہتر بنانے کے لئے تیار کیا گیا ہے۔
ہواوے نے 25 سال تک ملک بھر میں نیٹ ورکس کی تعمیر، موبائل آلات، گھروں اور سرکاری دفاتر کو مربوط کرنے میں مدد کی ہے۔
