بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے پولیٹیکل بیوروکا اجلاس پیرکو منعقد ہوا، جس میں موجودہ اقتصادی صورتحال کا جائزہ لیاگیا اور دوسری ششماہی کے اقتصادی امورکے انتظامات کیے گئے۔ سی پی سی کی مرکزی کمیٹی کے جنرل سیکرٹری صدر شی جن پھنگ نے اجلاس کی صدارت کی۔ اجلاس میں میکرو اکنامک ریگولیشن کو درستگی اوربھرپور طریقے سے انجام دینے، کاؤنٹر سائیکلیکل ریگولیشن کو بہتربنانے اور مزید پالیسی آپشنز کی دستیابی پر زور دیا گیا۔ اجلاس میں کہا گیا کہ اس وقت ملک کی معیشت کو نئی مشکلات اور چیلنجز کا سامنا ہے، جو بنیادی طور پر ناکافی گھریلو طلب، کچھ کاروباری اداروں کے امورمیں مشکلات، اہم شعبوں میں خدشات اور چھپے ہوئے خطرات کے ساتھ ساتھ ایک سنگین اور پیچیدہ بیرونی ماحول سے پیدا ہوئے ہیں۔ اجلاس میں ایک فعال مالیاتی اور ایک مستعد مالی پالیسی پر قائم رہنے ، ٹیکس اور فیسوں میں کمی پرعملدرآمد میں وسعت، بہتری اور اس کو یقینی بنانےاور مقدار اور ساخت کے لحاظ سے مالیاتی ٹولزکے بھرپورکردارکی ضرورت پر زوردیا گیا۔ اجلاس میں فیصلہ کیا گیا کہ سائنسی اور تکنیکی اختراعات، حقیقی معیشت اور مائیکرو، چھوٹے اور درمیانے درجے کے کاروباری اداروں کی ترقی کے لیے بھرپور تعاون کیا جائے گا۔
کیپٹل مارکیٹ کو متحرک کرنے اور سرمایہ کاروں کے اعتماد کو بڑھانے کی کوششوں کاوعدہ کرتے ہوئے آر ایم بی ایکسچینج ریٹ کو عمومی طور پر مناسب اور متوازن سطح پر مستحکم رکھنے کا بھی فیصلہ کیا گیا۔
