بیجنگ (شِنہوا)چینی وزارت خارجہ کی ترجمان ہوا چھون ینگ نے کہا ہے کہ چین کے صدر شی جن پھنگ کی دعوت پر جمہوریہ کولمبیا کے صدر گسٹاو فرانسسکو پیٹرو یوریگو 24 سے 26 اکتوبر تک چین کا سرکاری دورہ کریں گے۔

چینی وزارت خارجہ کی ایک اور ترجمان ماؤ ننگ نے پیر کو روزمرہ کی نیوز بریفنگ میں اس دورے کے بارے میں اضافی معلومات فراہم کرتے ہوئے بتایا کہ صدر شی کولمبین صدر پیٹرو کے اعزاز میں ایک استقبالیہ تقریب اور ضیافت کا انعقاد کریں گے اور دونوں سربراہان مملکت نئے دور میں چین-کولمبیا تعلقات کی ترقی کی راہ کے تعین کے لیے بات چیت کریں گے جبکہ دونوں صدور تعاون کی دستاویزات پر دستخط کی تقریب میں بھی شرکت کریں گے۔

ماؤ نے کہا کہ اقتدار سنبھالنے کے بعد کولمبین صدرپیٹرو کا چین کا یہ پہلا سرکاری دورہ ہوگا۔