ہائیکو (شِنہوا) چین کی صارف منڈی مارکیٹ اب بھی وسیع پیمانے پر کثیرالقومی اداروں کے لئے کشش رکھتی ہے۔ اس کے حوصلہ افزا معاشی اعداد و شمار کو چینی حکومت کے اعلی سطح کے کھلے پن کے عزم کا تعاون حاصل ہے۔ ان خیالات کا اظہار برانڈ نمائندوں نے کیا ہے جو آمدہ تیسری چائنہ بین الاقوامی اشیائے صرف نمائش میں شرکت کریں گے۔

چائنہ بین الاقوامی اشیائے صرف نمائش کے پہلے ایڈیشن میں شرکت کے بعد  نیو یارک کی ایک کمپنی ٹیپسٹری  انکارپوریٹڈ نے اپریل 2022 میں چین میں اپنے ٹریول ریٹیل ہیڈ کوارٹر کو  ہائی نان کے صدرمقام ہائیکو میں قائم کرنے کا فیصلہ کیا ۔ یہ کمپنی کوچ ، کیٹ اسپیڈ اور اسٹورٹ ویٹزمین برانڈز کی مالک ہے۔

کمپنی اب تک ہائی نان میں 9  ڈیوٹی فری اسٹورز اور چار خوردہ دکانیں شروع کرچکی ہے۔

ٹیپسٹری (ہائی نان) گروپ کمپنی لمیٹڈ میں ٹریول ریٹیل کے سینئر ڈائریکٹر چارلی ہو نے کہا کہ نمائش عالمی مہنگے برانڈز کے چینی مارکیٹ میں داخل ہونے اور اس میں توسیع میں تیزی کا اہم ذریعہ ہے۔ اس نے عالمی مارکیٹ کی ترقی کو فروغ دینے کے لئے نئے مواقع بھی پیدا کئے ہیں۔

ہو نے مزید کہا کہ ہائی نان سیاحت کی خوردہ مارکیٹ میں بہت زیادہ صلاحیت اور مضبوط لچک ہے اور ٹیپسٹری ہائی نان کا ٹریول ریٹیل سیکٹر اپنے منصوبے بارے بہت زیادہ پراعتماد ہے ۔

ہائی نان میں امکانات بارے ٹیپسٹری کا پرامید نقطہ نگاہ چین کے اعلی سطح کے کھلے پن کے فروغ کی مسلسل کوششوں کا نتیجہ ہے۔

2020 میں چین نے ہائی نان کو رواں صدی کے وسط تک عالمی سطح پر بااثر اور اعلیٰ درجے کی آزاد تجارتی بندرگاہ بنانے کا بڑا منصوبہ جاری کیا تھا۔

اس کے بعد سے ہائی نان آزاد تجارتی بندرگاہ کی ترقی میں تعاون کے لئے متعدد سازگار پالیسیاں جاری کی گئی ہیں ، جن میں صفر محصولات اور مارکیٹ وغیرملکی سرمایہ کاری تک رسائی آسان بنانا شامل ہے۔

صوبے کی سرکاری کارکردگی رپورٹ کے مطابق جزیرہ نما صوبہ 2025 تک بین الاقوامی سیاحت اور کھپت کا مرکز بننے کا خواہاں ہے اور 2035 تک عالمی سطح پر بااثر سیاحت اور کھپت کی منزل بننا چاہتا ہے ۔ صوبہ صارفین کی طلب بڑھانے اور 2023 میں اپنی آف شور ڈیوٹی فری فروخت کو 80 ارب یوآن (تقریباً 11.6 ارب امریکی ڈالرز) تک بڑھانے کی کوشش کررہا ہے۔

صوبہ ہائی نان میں مسلسل بہترکاروباری ماحول اور بھرپور ترقی نے ٹیپسٹری جیسے بہت سی کثیرالقومی اداروں کو راغب کیا اور ان کی حوصلہ افزائی کی ہے۔

ہو نے کہاکہ ہم اگلے 3 سال 10 سے زیادہ نئے ریٹیل اور ڈیوٹی فری اسٹورز کھولنے کا ارادہ رکھتے ہیں۔