بیجنگ(شِنہوا)چین کے صدر شی جن پھنگ نے پہلے لیانگ ژو فورم نام ایک مبارکبادی خط میں کہاہے کہ لیانگ ژو سائٹ چینی تہذیب کی 5 ہزار سالہ تاریخ کی نمائندگی کرتی ہے۔
شی نے اس جگہ کو عالمی تہذیبوں کا خزانہ بھی قرار دیا۔
گزشتہ کئی سالوں کے دوران شی نے لیانگ ژو سائٹ کے تحفظ پر مسلسل توجہ دی اور متعدد مواقع پر اس کی اہمیت کو اجاگر کیا ہے۔
چین کے مشرقی صوبہ ژی جیانگ میں لیانگ ژو سائٹ پہلی بار 1936 میں منظر عام پر آئی جب مٹی کے برتنوں اور پتھر کے نمونے دریافت ہوئے، اس کے بعد 1980 اور 1990 کی دہائیوں میں قابل ذکر تعداد میں مقبروں اور بڑے پیمانے پر محل کی بنیادیں دریافت ہوئیں۔
2000 کی دہائی کے اوائل میں، اس جگہ کے ارد گرد تقریباً 30 کان کنی کی جگہیں تھیں جن سے ضرورت سے زیادہ صنعتی فضائی اور صوتی آلودگی پیدا ہو رہی تھی جس نے ایک ماہر آثار قدیمہ کے مطابق "پورے علاقے کوجنگ زدہ علاقے کے حال میں تبدیل کر دیا''۔
صورتحال 2003 کے موسم گرما تک تبدیل نہیں ہوئی، جب ژی جیانگ صوبے کے اس وقت کے پارٹی سربراہ شی جن پھنگ نے لیانگ ژو سائٹ کا دورہ کیا۔
لیانگ ژو ثقافت کے تحفظ کے حوالے سے ایک دستاویزی فلم دیکھنے اور مقامی صورتحال پر بریفنگ لیے کے بعد صدر شی نے کہا کہ لیانگ ژو سائٹ چینی تہذیب کے کم از کم 5 ہزار سال کے وجود کی گواہی دیتی ہے،اور ایک انمول خزانے کے طور پر کھڑی ہے جسے تبدیل نہیں کیا جا سکتا۔ انہوں نے اسے اچھی طرح سے محفوظ کرنے پر زور دیا۔
