بیجنگ (شِنہوا)چین میں نئی توانائی سے چلنے والی گاڑیوں (این ای ویز) کی فروخت میں مارچ میں اضافہ ہوا جس سے ملک کی آٹوموٹیو مارکیٹ کو اپنی ماحول دوست منتقلی کو تیز کرنے میں مدد ملی۔

 چائنہ پیسنجر کار ایسوسی ایشن ( سی پی سی اے) کے اعداد و شمارکے مطابق پچھلے مہینے چین میں نئی توانائی والی کاروں کی خوردہ فروخت  گزشتہ سال  کی نسبت 21.9 فیصد بڑھ کر5 لاکھ 43 ہزاریونٹس تک پہنچ گئی۔

رواں سال کی پہلی سہ ماہی کے دوران نئی توانائی سے چلنے والی کاروں  کی خوردہ فروخت گزشتہ سال کی نسبت 22.4 فیصد بڑھ کر 13 لاکھ 10 ہزار یونٹس تک پہنچ گئی۔

 چین کی تیار کردہ نئی توانائی والی کاریں بیرون ملک مارکیٹوں میں مقبول ہیں۔ سی پی سی اے کا کہنا ہے کہ چین کی معروف این ای وی کمپنی بی واے ڈی کی مارچ میں  برآمدات 13 ہزار 312یونٹس تک پہنچ گئیں جبکہ ٹیسلا چین نے 12 ہزار 206 یونٹس برآمد کیے ہیں۔