بیجنگ(شِنہوا)چین کی مسافر گاڑیوں کی فروخت مئی میں20 لاکھ 50 ہزار یونٹس رہی جس سے گزشتہ سال کی نسبت 26.4 فیصد اضافہ ظاہر ہوتا ہے۔چائنہ ایسوسی ایشن آف آٹوموبائل مینوفیکچررز کے پیر کو جاری اعداد وشمار کیمطابق خاص طور پر مئی میں  سپورٹس یوٹیلیٹی گاڑیوں(ایس یو ویز) کثیر مقصدی گاڑیوں(ایم پی ویز) اور کراس اوور یوٹیلیٹی گاڑیوں(سی یو ویز) کی فروخت میں پچھلے سال کی اسی مدت کے مقابلے میں اضافہ دیکھا گیا۔اس عرصے کے دوران چین کی مسافر کاروں کی مجموعی پیداوار 20 لاکھ10 ہزار یونٹ رہی جو گزشتہ سال کی نسبت 18.2 فیصد زائد ہے۔ایسوسی ایشن نے گزشتہ ماہ یوم مئی کی تعطیلات کے دوران کاروں کی خریداری کی پروموشنل سرگرمیوں اور اختتامی منڈی میں قیمتوں میں بتدریج استحکام کو فروخت میں اضافے کی وجہ قرار دیا جس سے کھپت متحرک ہوئی۔