بیجنگ(شِنہوا )چین کی شہری ہوابازی کی نقل و حمل کی مئی میں بحالی کی رفتار برقرار رہی ۔ چین کی شہری ہوابازی کی انتظامیہ کے اہلکار لی یونگ نے ایک پریس کانفرنس میں بتایا کہ سیکٹر کا کل ٹرانسپورٹ ٹرن اوور 9 ارب 71 کروڑ ٹن کلو میٹر تھا جو اپریل سے 4.3 فیصد بڑھ کر 2019 میں کوویڈ-19 پھیلنے سے قبل اسی عرصے میں ریکارڈ کی گئی سطح کے 90 فیصد تک پہنچ گیا۔گزشتہ ماہ تقریبا 5 کروڑ 17 لاکھ فضائی مسافروں نے سفر کیا جو مئی 2019 میں ریکارڈ کی گئی سطح کا 94.8 فیصد ہے۔ گزشتہ ماہ فضائی مسافروں کے کل سفری دوروں میں سے مقامی سطح پر مسافروں کی نقل و حمل میں مئی 2019 کی نسبت 2.6 فیصد اضافہ ہوا۔  لی نے کہا کہ مئی میں چین کے شہری ہوا بازی کے شعبے میں کارگو اور ڈاک کا حجم کل 5 لاکھ 90 ہزارٹن تھا جو 2019 کے اسی عرصے میں ریکارڈ کیے گئے اعداد و شمار کے 94.7 فیصد تک پہنچ گیا۔انتظامیہ نے جولائی اور اگست میں سفری دوروں میں اضافے کی پیش گوئی کی ہے۔ لی کا کہناہے کہ آئندہ دو ماہ کے دوران روزانہ تقریبا 19 لاکھ 50 ہزار فضائی مسافروں کے سفری دورے متوقع ہیں۔