بیجنگ(شِنہوا) چین میں کی گئی ایک تحقیق کے مطابق میٹھے مشروبات کے زیادہ استعمال اور نوجوانوں میں بالوں کے گرنے کے درمیان ممکنہ تعلق موجود ہے۔

تسنگھوا یونیورسٹی کے محققین نے 1ہزار28 چینی مردوں کے سروے کے نتائج کا تجزیہ کیا جن کی اوسط عمر 27.8 تھی۔ سروے میں شامل تقریباً 57.6 فیصد شرکاء میں  مردانہ طرز کے بالوں کا گرنے (ایم پی ایچ ایل )کی علامات پائی گئیں۔

ایم پی ایچ ایل مردوں میں بالوں کے گرنے کی سب سے عام شکل ہے، جو مردوں میں 95 فیصدبالوں کے گرنے کا ایک پیٹرن ہے۔ بالوں کے جھڑنے کے عمل میں سر کے اگلے یا اوپر والے  حصے میں بال پتلے  ہوجاتے ہیں یا جھڑتے ہیں۔سر کے ان حصوں میں بال کم ہوجاتے ہیں۔

سروے میں شامل میٹھے مشروبات میں جوس، سافٹ ڈرنکس، اسپورٹس اینڈانرجی ڈرنکس، میٹھا دودھ، نٹ ملک، شکر والی چائے اور چائے کے مشروبات اور کافی شامل ہیں۔