میکسیکو سٹی(شِنہوا)میکسیکو کی ریاست گواناجواٹو کی میونسپلٹی سالواتیرا میں کرسمس پارٹی کے دوران فائرنگ کے واقعے میں کم سے کم 12 افراد  ہلاک ہو گئے۔

گواناجواتو اٹارنی جنرل کے دفتر کے مطابق سان ہوزے ڈیل کارمین کی کمیونٹی میں میکسیکو کے روایتی جشن کرسمس پوساڈا کے دوران خونریزی کا یہ واقعہ پیش آیا جس کی تحقیقات جاری ہیں۔

میونسپل گورنمنٹ کی ابتدائی اطلاعات کے مطابق مسلح حملہ آوروں کا ایک گروپ غیر متوقع طور پر جائے وقوعہ پر پہنچا اور پوساڈا کے شرکاء پر ٖفائرنگ کی جن میں اکثریت نوجوانوں کی تھی  جس کے نتیجے  میں 12 ہلاک اور 10 زخمی ہوئے۔

حکام نے بتایا کہ زخمیوں کو میونسپلٹی کے ہسپتالوں میں منتقل کر دیا گیا ہے جبکہ ان کی حالت کے بارے میں تفصیلات فراہم نہیں کی گئیں۔

خطے میں حالیہ برسوں میں  مختلف علاقوں پر کنٹرول کے خواہاں جرائم پیشہ گروہوں کے درمیان جھگڑے کی وجہ تشدد میں اضافہ ہوا ہے۔