ہانگ کانگ (شِنہوا) ہانگ کانگ خصوصی انتظامی خطے کے چیف ایگزیکٹیو جان لی نے کہا ہے کہ چین کے مقامی ساختہ مسافر طیاروں سی 919 اور اے آر جے 21 کا ہانگ کانگ خصوصی انتظامی خطے کا دورہ بہت اہمیت کا حامل ہے اور یہ ہانگ کانگ کے ہوا بازی شعبے کو تقویت مہیا کرے گا۔
دونوں طیارے منگل کی سہ پہر ہانگ کانگ کے بین الاقوامی ہوائی اڈے پر پہنچے تھے۔ سی 919 چین کا پہلا مقامی ساختہ بڑا مسافر طیارہ ہے جسے اب ایک ہزار سے زائد آرڈر مل چکے ہیں یہ طیارے کی چینی مین لینڈ سے باہرپہلی پرواز تھی۔
چین، جنوبی ہانگ کانگ کے بین الاقوامی ہوائی اڈے پر چین کے مقامی مسافر طیارے سی 919 اور اے آر جے 21 کے ہانگ کانگ خصوصی انتظامی خطہ آمد پر منعقدہ استقبالیہ تقریب میں شریک مہمانوں کا گروپ فوٹو۔ (شِنہوا)
لی نے ہوائی اڈے پر ایک استقبالیہ تقریب سے خطاب میں کہا کہ دونوں طیاروں کی ترقی ملک کی ہوا بازی کی مینوفیکچرنگ صنعت میں ایک سنگ میل ہے جو سمندری ، زمینی اور فضائی نقل و حمل کی پیداوار میں ملک کی اولین صف کی نشاندہی کرتی ہے۔
انہوں نے مزید کہا کہ ہانگ کانگ نے دونوں طیاروں کی سرٹیفکیشن اور تشخیص میں بھی حصہ لیا ہے جس میں ہوائی جہاز کی سرٹیفکیشن اور پائلٹ کی تربیت شامل ہے یہ ملک کی ہوا بازی کی صنعت میں اپنا حصہ ادا کررہی ہے۔
چین ، جنوبی ہانگ کانگ کے ہانگ کانگ بین الاقوامی ہوائی اڈے پر سی 919 مسافر طیارے کا اندرونی منظر۔ (شِنہوا)
لی نے کہا کہ ہانگ کانگ عالمی ہوا بازی کے ایک مرکز کا درجہ رکھتا ہے۔ ہانگ کانگ وبائی مرض کے بعد ہوائی اڈے کی صلاحیت بحال کرنے کے لئے ہر ممکن کوشش کر رہا ہے ۔ رواں ہفتے شہر میں ہوا بازی پر ایک بین الاقوامی کانفرنس کا انعقاد بھی کیا جارہا ہے۔
انہوں نے کہا کہ ہانگ کانگ بین الاقوامی ہوائی اڈے کا 3 رن وے نظام اگلے سال مکمل ہونے کی توقع ہے۔
سی 919 طیارہ ہفتے کو وکٹوریہ بندرگاہ پر فلائی پاسٹ کرے گا جس سے ہانگ کانگ کے رہائشیوں کو نئے طیارے کی ایک جھلک دیکھنے کو ملے گی۔
