بیجنگ (شِنہوا) چینی ریاستی کونسلر وانگ شیاؤ ہونگ نے منشیات کے خلاف جنگ کو آگے بڑھانے اور منشیات پر قابو پانے بارے اعلیٰ معیار کی ترقی آسان بنانے کی ضرورت پر بات کی ہے۔
چائنہ نیشنل نارکوٹکس کنٹرول کمیٹی کے ڈائریکٹر وانگ نے یہ بات منشیات کی روک تھام بارے ایک قومی ٹیلی کانفرنس سے خطاب میں کہی۔
وانگ نے منشیات سے متعلق جرائم پر صفر برداشت کا نقطہ نظر اپناتے ہوئے اس سے نمٹنے کی ضرورت پر روشنی ڈالی اور متعلقہ سرکاری محکموں پر زور دیا کہ وہ جرائم پیشہ گروہوں، نیٹ ورکس اور منشیات کے کاروبار سے وابستہ افراد کے خلاف کریک ڈاؤن کی مکمل کوششیں کریں۔
انہوں نے سرحدی کنٹرول کو بڑھانے کے ساتھ ساتھ فینٹانل جیسی نئی قسم کی منشیات سے نمٹنے کی ضرورت پر بھی زور دیا۔
