بیجنگ (شِنہوا) چین کی وزارت خارجہ کے ترجمان نے کہا ہے کہ چین، مشرقی ایشیا سربراہ اجلاس میں امریکہ کی جانب سے چین پر لگائے جانے والے بے بنیاد الزامات کو مسترد کر تا ہے جس پر امریکی فریق کو سنگین ڈی مارش کیا گیا ہے۔
ترجمان نے یہ بات مشرقی ایشیا سربراہ اجلاس میں تائیوان اور بحیرہ جنوبی چین کے حوالے سے چین پر امریکی مندوبین کے الزامات کے جواب میں کہی۔
ترجمان نے اس بات پر زور دیا کہ تائیوان کا سوال خالصتاً چین کا اندرونی معاملہ ہے جس میں کوئی غیر ملکی مداخلت نہیں ہے۔
انہوں نے نشاندہی کی کہ آبنائے تائیوان میں امن کے لئے سب سے بڑا خطرہ تائیوان کی آزادی کے لئے علیحدگی پسند سرگرمیوں اور انہیں ملنے والی غیر ملکی ملی بھگت اور حمایت سے پیدا ہوا ہے۔
ترجمان نے مزید کہا کہ آبنائے پار امن اور استحکام کو مئو ثر طریقے سے برقرار رکھنے کے لئےتائیوان کی آزادی کی سختی سے مخالفت کرنا انتہائی ضروری ہے۔
ہم امریکہ پر زور دیتے ہیں کہ وہ ایک چین کے اصول اور تین چین امریکہ مشتر کہ اعلا میوں پر سختی سے عمل کرے۔
ترجمان نے کہا ہے کہ مشترکہ اعلامیے میں تائیوان کے سوال کو چین کے اندرونی معاملات میں مداخلت کے لیے استعمال کرنا بند کیا جائے اور آبنائے پار امن و استحکام کو برقرار رکھنے کے لیے ٹھوس اقدامات کیے جائیں۔
ترجمان نے کہا کہ کچھ غیر علاقائی ممالک نے بحیرہ جنوبی چین میں کشیدگی پیدا کرنے، محاذ آرائی کو ہوا دینے اور علاقائی امن و استحکام کو خطرے میں ڈالنے کی کوشش کی ہے اور چین نے ہمیشہ اس کی مخالفت کی ہے۔
