بیجنگ (شِنہوا) چین کے وزیراعظم لی چھیانگ نے چین ۔ کمبوڈیا عوامی تبادلہ سال کے آغاز پر مبارک باد کا خط بھیجا ہے۔
چینی وزیراعظم نے اس بات کا تذکرہ کیا کہ چین اور کمبوڈیا دونوں شاندار ثقافتوں کے ساتھ قدیم تہذیبوں کے حامل ہیں اور دونوں عوام کے درمیان دوستی کی ایک طویل تاریخ موجود ہے۔
انہوں نے کہا کہ منگ عہد کے چینی مہم جو ژینگ ہی نے سمندری مہم کے دوران کمبوڈیا میں رکے تھے۔ بایون مندر کی باقیات پر نقش و نگار ایک ہزار برس قبل دونوں ممالک کے عوام میں رابطے کے عکاس اور چین۔ کمبوڈیا دوستانہ تبادلوں کی تاریخ واضح کرتے ہیں۔
وزیراعظم لی چھیانگ نے کہا کہ چینی صدر شی جن پھنگ اور کمبوڈیا کی قیادت کی اسٹریٹجک رہنمائی میں مشترکہ مستقبل پرمبنی چین ۔ کمبوڈیا معاشرے کا قیام ایک نئے دور میں داخل ہوچکا ہے جس میں اعلیٰ معیار، سطح اور اعلیٰ اقدار کے ساتھ سیاسی باہمی اعتماد گہرا کرنا ،عملی تعاون اور ثقافتی تبادلے تیز کرنا شامل ہے جس سے دونوں ممالک کے عوام کو ٹھوس فوائد ملے۔
کمبوڈیا کے وزیراعظم ہن مانیٹ نے بھی چین۔ کمبوڈیا عوامی تبادلہ سال کے آغاز پر مبارک باد کا خط بھیجا ہے۔
