شین ژین (شِںہوا) چینی نائب وزیراعظم ڈینگ شوئے شیانگ نے اختراع پر مبنی ترقیاتی حکمت عملی مکمل طور پر نافذ کرنے اور اہم شعبوں میں بنیادی ٹیکنالوجی کی کامیابیاں مضبوط کرنے کی اہمیت پر زور دیا ہے۔
یہ بات کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن ڈینگ نے چین کے جنوبی صوبے گوانگ ڈونگ کے شہر شین ژین کے معائنہ دورے میں کہی۔ انہوں نے جمعہ سے اتوار تک اس شہر کا دورہ کیا تھا۔
سائنس و ٹیکنالوجی اختراع تعاون کے ہی تاؤ زون کے نمائش و تبادلہ مرکز کے دورے میں نائب وزیراعطم ڈینگ نے کہا کہ سائنس و ٹیکنالوجی اختراع کو ادارہ جاتی اختراع پر استوار ہونا چاہئے۔
انہوں نے ایک بین الاقوامی سائنسی وتحقیق اور ادارہ جاتی ماحول پیدا کرنے کی کوششوں پر زور دیا جو اعلیٰ سطح کے کھلے پن پرفخر کرتا ہو۔
دورے میں نائب وزیراعظم کو ایس زیڈ ڈی جے آئی ٹیکنالوجی کمپنی لمیٹڈ کی ٹیکنالوجی تحقیق و ترقی میں پیشرفت اور کاروباری کارکردگی رپورٹ پر بریفنگ بھی دی گئی جس کے دوران انہوں نے اپ اور ڈاؤن سٹریم صنعتوں اور بڑے، درمیانے اور چھوٹے درجے کے کاروباری اداروں میں مربوط اختراع کے فروغ کی کوششوں کا کہا۔
نائب وزیراعظم نے پھنگ چھنگ لیبارٹری کا دورہ بھی کیا جہاں انہوں نے لیب پر زور دیا کہ وہ اہم شعبوں میں اسٹریٹجک، جدید اور بنیادی تحقیق کرے۔ انہوں نے شین ژین پولی ٹیکنیک یونیورسٹی کے دورے میں جدید صنعتی نظام کی تعمیر کی ضروریات پورا کرنے کے لئے پیشہ ورانہ تعلیم کا نظام بہتر بنانے کی کوششوں پر زور دیا۔
