بیجنگ (شِنہوا) چین کے وزیر خارجہ وانگ یی نے مساوات، ایک دوسرے سے سیکھنے ، مکالمے اور تہذیبوں کی جامعیت کو برقرار رکھنے کی ضرورت پر زور دیاہے۔

وانگ یی نے نام نہاد "جمہوریت بمقابلہ آمریت" کے بیانیے اور اپنی اقدار یا ترقی کے طریقوں کو دوسروں پر مسلط کرنے کی کسی بھی کوشش کی مخالفت کااظہار کیا۔

کمیونسٹ پارٹی آف چائنہ کی مرکزی کمیٹی کے پولیٹیکل بیورو کے رکن وانگ یی نے ان خیالات کااظہار منگل کو  "ہم نصیب مستقبل کی عالمی برادری: چین کی تجاویز اور اقدامات" کے عنوان سے ایک وائٹ پیپر کے حوالے سے ایک پریس کانفرنس میں کیا۔

انہوں نے کہا کہ دنیا کی کوئی بھی تہذیب دوسری سے برتر نہیں ہے اور کسی کی اقدارکو ایک سیاسی آلے یا تصادم کو ہوا دینے کے لیے ایک ہتھیار کے طور پر بھی استعمال نہیں کیا جانا چاہیے۔