بیجنگ (شِنہوا) چینی وزارت خارجہ کے ایک ترجمان نے کہا ہے کہ تائیوان کی ڈیموکریٹک پروگریسو پارٹی (ڈی پی پی) کے حکام جو بھی بلند بانگ بیان بازی کرنے کی کوشش کریں وہ تائیوان کے باشندوں کو "تائیوان کی آزادی" کے جنگی رتھ سے باندھنے کی اپنی مذموم کوشش پر پردہ نہیں ڈال سکتے۔

ترجمان وانگ وین بن نے یہ بات تائیوان خطے کی رہنما سائی انگ وین کے ایک بیان کے ردعمل میں کہی ۔ انہوں نے حال ہی میں ڈی پی پی کی انتخابی ریلی کے دوران کہا تھا کہ وہ ہانگ کانگ کی طرز کا نہیں بلکہ وقار کے ساتھ امن چاہتی ہیں۔ 2024 کے عام انتخابات امن اور جنگ میں سے کسی ایک کا انتخاب نہیں ہیں اور یہ تائیوان کے عوام ہیں جنہیں وقار کے ساتھ امن کا انتخاب کرنا ہوگا۔

وانگ نے اس بات کا ذکر کیا کہ یہ خارجہ امور کا سوال نہیں ہے ۔ انہوں نے کہا کہ تائیوان چین کا اٹوٹ انگ ہے اور تائیوان خطے میں انتخابات خالصتاً چین کا اندرونی معاملہ ہے۔

وانگ نے اس بات پر زور دیا کہ "تائیوان کی آزادی" کا آبنائے پار امن کے ساتھ وہی تعلق ہے جو پانی کے ساتھ آگ کا ہے جس کا مطلب جنگ ہے اور اس کا خاتمہ ہونا ہے۔ 

وانگ نے کہا کہ ڈی پی پی حکام باآواز بلند جو بھی بیان بازی کی کوشش کریں وہ تائیوان کے باشندوں کو "تائیوان کی آزادی" کے جنگی رتھ سے باندھنے کی اپنی بدنیتی پر مشتمل کوششوں پر پردہ نہیں ڈال سکتے ہیں اس سے یہ حقیقت بدل نہیں سکتی کہ "تائیوان کی آزادی" کے عناصر ناکام ہورہے ہیں اور چین کے دوبارہ اتحاد کے رجحان کو نہیں روک سکتے۔