کھٹمنڈو (شِنہوا) نیپال نے چین کے ساتھ انٹرا پارٹی تبادلے اور تعاون گہرا کرنے کی امید ظاہر کی ہے تاکہ دو طرفہ تعلقات کی وسعت میں مزید پیشرفت ہوسکے۔

کمیونسٹ پارٹی آف چائنہ (سی پی سی) کے ایک وفد نے کمیونسٹ پارٹی آف چائنہ کی مرکزی کمیٹی کے بین الاقوامی شعبہ کی نائب سربراہ سن ہائی یان کی قیادت میں کمیونسٹ پارٹی آف نیپال (ماؤسٹ سینٹر) کی دعوت پر 26 سے 29 جنوری تک نیپال کا دورہ کیا۔

چینی وفد نے سی پی این (ماؤنواز سینٹر) کے چیئرمین اور نیپال کے وزیر اعظم پشپا کمل داہل کے ساتھ ساتھ ملک کی دیگر اہم سیاسی جماعتوں کے رہنماؤں سے بھی ملاقات کی۔

اس کے علاوہ وفد نے تھنک ٹینکس، میڈیا اداروں اور سماجی تنظیموں کے نمائندوں سے تبادلہ خیال کیا اور کمیونسٹ پارٹی آف چائنہ اور نیپالی سیاسی جماعتوں کے درمیان ایک مشترکہ مشاورتی کانفرنس میں شرکت کی۔

اس موقع پر نیپال نے چین کے ساتھ گہری دوستی کو سراہتے ہوئے یہ عزم دہرایا کہ وہ اپنی سرزمین پر چین مخالف سرگرمیوں کی اجازت نہیں دے گا اور  وہ چین کے ساتھ انٹرا پارٹی تبادلے اور تعاون گہرا کرنے کی امید کرتا ہے  تاکہ دو طرفہ تعلقات کی وسعت میں پیشرفت ہوسکے۔